Esperiencia apícola en Les Fontanielles ::El Remediu::


La colmena va p’alantre.
Abril 5, 2008, 7:38 pm
Filed under: Temporada 2008 | Etiquetes:

L’únicu casiellu que tengo n’estos momentos ta furrulando con bastante normalidá a pesar de les incidencies que cuento n’anterior entrada.

Ayer pude comprobar que la colmena tien una reina ponedora y que too funciona, n’esti entamu de la temporada, con bastante normalidá. El día taba mui soleyeru y había muncha actividá a la entrada y salida de la piquera. El primer síntoma de normalidá foi ver munches abeyes entrar con abundante polen, lo qu’indica presencia de cría. Dempués abrí’l casiellu pa comprobar que realmente too marchaba bien y ver si podía comprobar la presencia de la reina y asina foi. Removí 3 cuadros de miel y ún sin estirar que había puesto n’anterior ocasión y encontré cría operculada, sin opercular y en fase de güevo. Nun m’esplico mui bien cómo, pero creo que la reina’boutvivió aquella torpeza de fae un mes.

Les abeyes tan ocupando más o menos mediu casiellu, unos 4 o 5 cuadros, con probablemente 3 cuadros de cría. Creo que eso’tis tar un poco débil, pero teniendo en cuenta les circunstancies toi bastante satisfechu y creo qu’a partir d’agora esti casiellu nun tien porqué funcionar mal.

Agora tengo bastante claro que lo meyor’tis esperar al entamu de la primavera p’abrir la colmena. Dempués de abrila fae agora un mes más o menos inda vino bien feo con frío y ñeve.

La mi intención agora’tis faceme al menos con otros dos casiellos, prestaríame tamién poder capturar dalgún enxambre y como oxetivu pa esti añu’tis obtener miel.

Advertisements